Сарыбаева Айжамал Борбордук Азиядагы Америка университетинин Жалпы билим берүү программасынын теңтөрайымы жана ага окутуучусу.  Учурда ал Кыргыз Республикасынын Улуттук илимдер академиясынын Тарых, археология жана этнология мектебинде аспирантурада билим алууда. Айжамал Цукуба университетинен (2010-ж., Япония) эл аралык изилдөөлөр боюнча магистратура даражасын, Болл мамлекеттик университетинен (2006-ж., АКШ) тарых илимдери адистиги боюнча магистратура даражасын жана Борбордук Азиядагы Америка университетинен “Америка таануу” багыты боюнча бакалавр даражасын алган (2004, Кыргызстан). 

Айжамал БААУда 2006-жылы эмгек жолун баштап,  аялдардын тарыхы, оозеки тарых жана санарип тарыхы курстары менен катар “Биринчи жылдык семинарлар” (FYS) жана “Экинчи жылдык семинарлар” (SYS) курстарынан сабак берет. Айжамал бир нече жылдан бери «Советтик Кыргызстандын айтылбаган окуялары», «Кыргызстандагы коллективдештирүүнүн оозеки тарыхы», «1991-жылдын оозеки тарыхы», «Советтик өткөн мезгилдин эскерүүлөрүнө мүмкүнчүлүк» аттуу илимий долбоорлордун үстүндө иштеп келет.

Айжамал “Эркин өнөрлөр жана илимдер” факультетиндеги санариптик маданияттар концентрациясынын координатору (2021-2023) жана ЕККУнун парламенттик стажировка программасынын координатору сыяктуу лидерлик кызматтарды аркалап келген.